][.. سميت قلبي عقب فراقه ملعون ..][

سميت قلبي عقب فرقاه ملعون




يا للي دفنتوا جثته ليه تبكون ღ لولا الحيا لاقول معكم خذوني ,,

منه انحرمت وكنت انا عنه مسجون ღ ماذكر لمحته غير مرة بعيوني ,,

شفته وكانت فرحتي مالها لون ღ عجزت لاوصف من لمحته شجوني ,,

ياليتني كنت الكفن يوم تمشون ღ ابقى معه بالقبر ثم ادفنوني ,,

أو ليتني من خلفكم كنت مجنون ღ اتبع خطاكم والعذر هو جنوني ,,

ابكي وراكم وادعي إن كان تدعون ღ ما يكفي إنه عاش عمره بدوني ,,

تكفون هاكم عمري اليوم تكفون ღ برخص حياتي دام خابت ضنوني ,,

ما فادني صبري ولا فادني عون ღ ولا فادني دمعـ(ن) حرق لي جفوني ,,

ياما بكيته والبكا يحرق عيون ღ ميت أو إنه حي دمعي بعيوني ,,

العام كان بفرحته يعزف لحون ღ واليوم تحت الأرض ماهو بكوني ,,

لكن انا في فرحته كنت مدفون ღ فوق الثرى واليوم موته سجوني ,,

سميت قلبي عقب فرقاه ملعون ღღ هو والليالي عن هواه منعوني ,,

ياليتني ما عشت لحظه بهالكون ღ وياليت ربعي في سكات ذبحوني ,,

وياليتكم عن همي اليوم تدرون ღ منه إنحرمت ومن عزاه احرموني ,,

حتى بوفاته يوم أنا طحت مطعون ღ أخفيت طعناتي قبل يفضحوني ,,

بكيت لكن ما تظاهرت بالهون ღ أبكي واقول الموت سبة طعوني ,,

وإن كان في حبي أنا ما تحسون ღ دلوني لقبره وفيه أتركوني ,,

::+::+::+::

القصيدة حلوة و عجبتني كثير و من البيوت اللي أعجبتني أكثر هو البيت الثالث معاكي KING وتقبلي مروري